Die rede waarom ons vir Shaun aan die begin van sy graad 1 jaar by Edublox ingeskryf het, was omrede sy graad R juffrou bekommerd was, omdat hy sukkel om sagte klanke te hoor en dit dus sy vordering met sy geletterdheid beperk. Ons het Shaun laat toets en uitgevind dat dit as gevolg van sy kwaai sinusse is dat hy met tye nie mooi kan hoor nie, waarvoor hy nou medikasie gebruik. As gevolg van hierdie probleem was ek en my man bekommerd dat hy gaan sukkel in sy graad 1 jaar, wanneer hy moet begin lees en het dus besluit om hom by Edublox in te skryf met die hoop dat dit sal help.

Tot ons verbasing was daar ‘n uitstekende verbetering. Shaun se geletterdheid het al die eerste kwartaal van graad 1 van ‘n 2 na ‘n 4 gespring. Sy lewensvaardighede het ook van ‘n 3 na ‘n 4 gespring. Sy graad 1 juffrou het geen probleme ondervind nie en sy spoed waarteen hy sy werk afhandel was puik, terwyl daar in graad R pal ‘n probleem daarmee was. Hy lees pragtig, met gemak en geniet dit baie.

Shaun se rapport, vóór hy by die Edublox-tak in Vereeniging begin het, en een jaar later. Geletterdheid het verbeter van ‘n 2 (Gedeeltelik bereik) in Graad R na ‘n 4 (Uitstekend bereik) in Graad 1: