From: Anouk Grobbelaar [mailto:anouk@….]
Sent: 12 May 2016 12:15 PM
To: ‘Susan du Plessis’ <susan@edublox.com>
Subject: RE: Xenia

Xenia was in Graad 2 toe die onderwyseres begin kla dat Xenia se konsentrasie dwaal. Die juffrou en skoolhoof het voorgestel ek sien vir Dr Lippert en kry Ritalin of Concerta. Xenia se jaar gemiddeld was so tussen 70 en 75%.

Ek het van Edublox te hore gekom en besluit om eers die roete te loop. Xenia het vir 1 en ¾ jaar klas geloop. Die resultate was dadelik daar. Die skoolhoof het vir my kom vra, twee maande nadat Xenia by Edublox begin het, op watter medikasie Xenia nou is, want daar is enorme verbetering in haar konsentrasie! Ek het geantwoord geen medikasie – net Edublox. Sy was vreeslik verbaas.

Edublox het vir Xenia leer memoriseer en haar wiskunde het ook baie verbeter. Sy kan ‘n toespraak baie vinnig uit haar kop uit leer – Engels of Afrikaans. Sy het ook geen probleme om die werk te verstaan nie. Haar jaareind gemiddeld in Graad 4 was 85% en vir Engels 92%. In kwartaal 1 van Graad 5 was dit weer 85% gemiddeld.

Ek beveel Edublox aan vir enige kind en daarom kom my tweeling volgende jaar as hulle in graad 1 is. Dit is ‘n basis wat ek voel elke kind moet kry.

Groete
Anouk